GAİP XƏBƏR : Dünyanın sənayeləşmiş 8 ölkənin təmsil olunduğu "G-8" dünya birliyini İranın nüvə silahı yaratmaq cəhdlərinə qarşı daha sərt addımlar atmağa çağırıb.

"G-8" ölkələrinin liderlərinin iyun ayında keçirəcəyi zirvə toplantısından əvvəl Kanadada bir araya gələn xarixi işlər nazirləri görüşün sonunda birgə bəyanat veriblər.

GAİP XƏBƏR mərkəzinin SİA-ya istinadən yaydığı məlumata görə, Bəyanatda bildirilir ki, İranın Birləşmiş Millətlər Təşkilatı (BMT) və Beynəlxalq Atom Enerjisi Agentliyinin (MAQATE) tələblərinin yerinə yetirməməsi "G-8" ölkələrində narahatlıq yaradır. Nazirlər bu məsələdə açıq dialoq aparmaq qərarına gəliblər. Bəyanatda beynəlxalq birlikdən dünyanın təhlükəsizliyinə hədə olan İranın nüvə silahını yaratmaq siyasətinə qarşı təcili addımların atılması istənilir.
Siyasi ekspertlər BMT Təhlükəsizlik Şurasının 3 üzvü - ABŞ, İngiltərə və Fransanın İrana qarşı sanksiyaların tədbiq edilməsində xüsusi səy göstərməsinə baxmayaraq, sözügedən bəyanatda "sanksiya" sözünün işlədilməməsinə diqqət çəkir.