بنزینین سهمیه ائدیلمه سینه اعتراض ائدیریک

آذربایجانین قیرتلی میللتی
ایللردی کی آذربایجانین ثروتینی چاپیب آپاریرلار.آذربایجانین قیزیل ،مس، آلومینیوم،قورقوشون،مرمر، گوگورد، زرنیق،سمنت ، چینی تورپاقی و باشقا معدنلریرنی سوکوب آپاریب اصفهان ، کرمان و عمومیته فاری شهرلرینی آباد ائدن فارس شوونیستلری فارس یونلو اقتصادی پلانلارلا زنگین آذربایجانیمزی گونو-گوندن داغیردیب وئرانا قویماقدادیر.
گونی آذربایجانین نفت یاتاقلارینی اورت باسدیر ادیب صاباحینا ساخلایان فارس شوونیستی بوگون ان بویوک نفت صادیر ائدنلردن اولسادا ، آذربایجاندان ملیاردلار دولاری چاپیب آپاران فارس شوونیستلری آنجاق هر بیر ماشینی اولان آذربایجانلیا گونده 3 لتیر بنزین کوپونلا نئچه قات باهاسینا ساتیر.
فارس شوونیزمی بیزدن آلان وئرگی(مالیات) و چاپیب آپاردیغی معدنلریمیزین گوچونه بوگون ارمنستاندا او قدر مجانی نفت ،گازو بنزین وئریر کی بو ساعات ارمنیستاندا بنزین تبریزدن هم چوخدور همده اوجوزدور. دئمک فارس حکومتینه ارمنیلر آریا ارقیندان اولدوقلاری اوچون آذربایجانلی مسلماندان داهادا عزیزدیر.
بنزینین جیره اولماسی نتیجا سینده تاکسی ،اتوبوس و باشقا گئدیش گلیش وسایتلرینین قیمتی نیچه قات باهالاشدیغینا باخمیاراق عمومیتده شهر و شهرلر آراسی سفراوچون وسیله تاپیلمیر.
بنزینین قیتلیقی نتیجه سینده باشقا گوندلیک ملزمه لر ده باهالانیب و مینلر انسان ایشینی ایتیریبدیر و داهادا باهالیق و ایشسیزلیک گوزلنیلیر.

دییرلی آذربایجان میللتی

بو قارا گونون قاپیلاشماسیندان بیر علامتدیر.چوخ سورمیه جک کی چورک،ات،شکر، قند،سوت،پنیر و باشقا یمکلرده جیره باغلانیب و کوپون اولاجاقدیر. بو قارا گون ساده جه بنزین له فورتارمیر بلکه باشلایر صاباح فارس شوونیستلری تانرینین بیزه بول بول وئردیگی نعمتلری ده جیره بندلیگ ائدجکلر.
بو سیاست بیزی ضعیفلدیب بوغماق اوچوندور.
فرصت وارکن آیاقا قالخیب محکم یوموروقلاریمیزلا فارس اشقالچی شوونیست سیایتینه سون قویاق. ات،سوت،چورک ، قند و باشقا شیلر کوپون اولمادان حرکت ائتملیک. بیزیم اقتصادی و اجتمائی رفاهیمیز تکجه و تکجه استفلالیمیزدادیر. اونلارا کی دئیردیلر استقلال آلساق بنزینی کیمدن آلاجایق؟ آر اولسون اونلارا کی 3 لتیر بنزینه خاطیر ملتمیزی اسیر و کوله ساخلاماق ایستیرلر. نفتی بنزینی اولمایان مملکتلرده بنزینی بیزدن داها اوجوز و سیراسیز آلیرلار. نه زامانا کیمی کی فارس اسارتیندئیک طالعیمیز بوندان یاخشی اولملیاچاق. فارس شوونیزمینین فلاکتیدن قورتارماق اوچون آیاقا قالخیب تورپاقیمیزی آزاد ائدیب ،اصولی اقتصادی پلانلارینان مللتیمیزین رفاه و آسایشین تامین ائدک.
بنزین سهمیه بندلیگینه اعتراض اولاراق پنجشنبه مرداد آینین 18 ساآت 2 بوتون آذربایجان شهرلرینده ماشینلاریمیزلا استانداری قاباغینا حرکت ائدیب سیگنال چالیب شعار وئریب اعتراض ائدجئیک. بیزه قوشولون.
شعارلاریمیز :
هارای هارای من تورکم
بوباهالیق بو ذللت فارس حیله سیدیر البت
ارمنیستانا نفت وار آذربایجانا یوخدور
بنزین کوپونا سالیر بیزدن انتفام آلیر
تورپاغیمیزی چاپیرلار واریمیزی آپاریرلار
بیزدن میلیاردلار آلیر اوچ لتیر بنزین ساتیر
بوللوق ،یاشام، آزادلیق تکجه استقلالدادیر.
گونئی آذربایجان استقلال یارتیسی 20جولای 2007