GAİP XƏBƏR

TPL_GK_LANG_GK_MOBILE_DESKTOP TPL_GK_LANG_GK_MOBILE_REGISTER TPL_GK_LANG_GK_MOBILE_LOGIN

مرکز تحقیقات و استراتژی حزب GAİP Strateji Araşdırmalar

چو دزدي با چراغ آيد گزيده‌تر برد کالاÇirağ ilen gelen oğru daha seçgin mal aparar(2-3)

 


303815 stock-photo-stealthy-thiefGAIP:چو دزدي با چراغ آيد گزيده‌تر برد کالاÇirağ ilen gelen oğru daha seçgin mal aparar
Elin qayğısına qalmaz, “Yaşıl”lara “Al” aparar

Mere Irançı, fedralçı, anayurdun satan adsız!
Senin aldatıcı sözün vetene iğfal aparar

Bilenlerle oturmamış, sözün qedrine varmamış
Sözün anlamını bilmez, yetişmiş yox kal aparar

Savaş günü gelib çatıb, hele şaşqın bu İrançı
Ne atı var ne meydanı, gelib bizden nal aparar

Ana yurdun satar İrane erdemsiz o fedralçı
Savurar toprağın daşın keser o sal sal aparar

Vetenin anlamın bilmez ''Haray Türkem'' sesin duymaz
O Azerbaycanı ezer, İrane fedral aparar

Arılar bir ömür boyu yaparlar bal peteklerde
Geler oğru sifet insan o petekden bal aparar

Arı Türkdür, Azerbaycan petek kimin
Bizim balı bu farsistan neden bi melal aparar

Ögey Öze qabarmaz, bil sen ey fedralçı İrançı
Anayurdun seadete feqet istiqlal aparar

Defelerce bizim millet olub meğbun bu İrandan
bizi İran eyağına gine bu dellal aparar

Sevinsin İran erbabı, götürsün hedye fedralçı
Hele yansın bütütn Tebriz, bu oğrular şal aparar

Xelifenin huzuruna çıxardar meni Babek tek
Dili kesik, başı kesik, bizim Efşin lal aparar

Nacağın destesi bizden, yarar bizi keser bizi
Solar bizim gülüstanlar, o da bağdan dal aparar

Seni fedralçı pozqunu hele meydan hele şeytan
Şovonistle savaş veqti, seni qil o qal aparar

Oğuz Türkü bilen bilir, veten derdin çeken bilir
Güney Bozqurtları bilir, ki eslandan yal aparar

Avril 2010
(2)

چراغ ايله گه‌له‌ن اوغرو داها سئچگين مال آپارار
ائلين قايغيسنا قالماز, "ياشيل" لارا "آل" آپارار


مه‌ره ايرانچي, فدرالچي, آنايوردون ساتان آدسيز
سه‌نين آلداتيجي سوزون وطنه اغفال آپارار

بيله‌ن‌له‌رله اوتورماميش, سوزون قدرينه وارماميش
سوزون آنلاميني بيلمه‌ز, يئتيشميش يوخ کال آپارار


ساواش گونو گه‌ليب چاتيب, هه‌له شاشقين بو ايرانچي
نه آتي وار نه ميداني گه‌ليب بيزده‌ن نال آپارار


آنايوردون ساتار ايرانه اه‌رده‌م‌سيز او فدرالچي
ساوورار توپراغين داشين که‌سه‌ر او سال سال آپارار


وطنين آنلامين بيلمه‌ز, "هاراي تورکه‌م" سه‌سين دويماز
او آزربايجاني اه‌زه‌ر, ايرانه lesbian porn فدرال آپارار


آري‌لار بير عومور بويو ياپارلار بال په‌ته‌ک‌له‌رده
گه‌له‌ر اوغرو صفت اينسان او په‌ته‌کده‌ن بال آپارار


آري تورک‌دور, آزربايجان په‌ته‌ک کيمين
بيزيم بالي بو فارسيستان نه‌ده‌ن بي ملال آپارار


اوگئي اوزه قابارماز, بيل سه‌ن اي فدرالچي ايرانچي
آنايوردو سعادته فقط استقلال آپارار


ده‌فه‌له‌رجه بيزيم ملت, اولوب مغبون بو ايراندان
بيزي ايران اياغينا, گينه بو دلال آپارار


سئوينسين ايران اربابي, گوتورسون هديه فدرالچي
هله يانسين بوتون تبريز, بو اوغرولار شال آپارار


خليفه‌نين حضورونا چيخاردار مني "بابک" ته‌ک
ديلي که‌سيک, باشي که‌سيک, بيزيم "افشين" لال آپارار


ناجاغين ده‌سته‌سي بيزده‌ن, يارار بيزي, که‌سه‌ر بيزي
سؤلار بيزيم گولوستانلار, او دا باغدان دال آپارار


سه‌ني فدرالچي پوزقونو هه‌له ميدان هه‌له شيطان
شوونيست‌له ساواش وقتي, سه‌ني قيل و قال آپارار


اوغوز تورکو بيله‌ن بيلير, وطن ده‌ردين چه‌که‌ن بيلير
گونئي بوزقوردلاري بيلير, کي اسلاندان يال آپارار


آوريل ۲۰۱۰

چراغ ايله‌ن گه‌له‌ن اوغرو داها سئچگين مال آپارار-۳-

بير ايل ايران آدلانان يئرده "سئچيم آلداتماجاسي" آدلانديرديغيميز اويوندان گئچير. سئچيمده‌ن اونجه ده گؤنئي آزربايجان ملتينين بو سئچيمه قاتيلماياجاغيني و بو اويونا گه‌لمه‌يه‌جه‌ييني وورقولاميشديق. بو قونودا ايکي اوره‌ک‌لي اولانلاري دا اوياريپ سئچيمه قاتيلمامالاريني اونه‌رميشديک. اون گوردويوموز کيمين گونئي آزربايجان ملتي بو سئچيمده ان آز قاتقيسي اولدو. دفعه‌له‌رجه ده گوسته‌رديگي کيمين گئنه ده گونئي آزربايجان ملتي اوز سياسي آييقليغيني گوسته‌ردي و اونونه دوشه‌نه‌ن دوزاقلارا دوشمه‌دي. گونئي آزربايجان فعالينين گوزونده ايشقالچي رژيمين و دولت‌چي‌ليگينين سوندوغو آداملارين هاميسي ايران بوتونلوگونه اينانان و گونئي آزربايجان ايشقاليني قبول ائده‌ن شخص‌لردير. گونئي آزربايجان ملتي خامنه‌اي, رفسنجاني, خاتمي, احمدي‌نژاد, موسوي, کروبي, و اونلار کيمين آزربايجان دوشمانلاريني ياخچي‌جا گوروب تشخيص وئرديله‌ر و اونلارين قوردوقلاري دوزاغا دوشمه‌ديله‌ر. او ايشقالچي ياشيل و قارا فاشيزميني عيني زاماندا قارشيسينا آلدي. بونونلا گونئي آزربايجان تورکو گونئي آزربايجان باخيش آچيسيندان دنيايا باخماغا باشلادي. اونا گوره گونئي آزربايجان قونوسوندا اه‌ن بويوک و اونه‌ملي مسئله ايشقال مسئله‌سي‌دير. ايران بوتونلوگونه اينانان هرکس و هر قوروب گونئي آزربايجانين ايشقاليني قبول ائتميش و اونايلاميش دورومدادير. ايصلاحاتچي دونوندا بير داها ايران دولت‌چيليگينين گوچلولويو و دوامي يولوندا صحنه‌يه گه‌له‌ن‌له‌ر ايچه‌ريده‌کي گئنج‌له‌ريميزي آلداتامادي. خيابانلاردا استاديوملاردا و گونئي آزربايجانين هر يئرينده ملي فعال‌لار و گئنج‌له‌ر بوزقورد علامت‌لريله "من تورکه‌م" و "آزربايجان بيزيمدير" شعاري وئرديله‌ر. دوولوب, توتولوب, ايشکه‌نجه اولوب, اولدورولدوله‌ر.

آما اوچ قوروب آزربايجان ملي حرکتينين اونونه گئچه‌ره‌ک اونو اوز يولوندان جايديرماغا چاليشديلار. بيرينجي قوروب باشلاري ايران و ايران بوتونچولوک دوگماسينا قاپيلانلاردير. ايران دولت‌چيليگينين آزربايجان فعاللارينين ايچينه سيزاراق اه‌سکي ايران سراسري قوروبلارين قالينتيلاري بو قوروبدا يئر آليرلار. گونئي آزربايجان ملي حرکتينين اه‌ن بويوک دوشماني بونلاردير. بونلارين بئيين‌له‌رينده ايران بوتونلوگو دئيشيلمه‌ز بير نسنه‌دير. بونلارا گوره بوتون سياسي طيف‌له‌ر ايران بوتونلوگو ايچينده توجيه اولونا‌بيله‌ر. آما ايران بوتون‌لوگونون ائشيگينده دوشونه‌ن هر کس و هر قوروب گوز آردي ائديليب ضعيف‌له‌نيب يوخ اولماليدير. ايل‌له‌ر بويو ميللي حرکتي داناراق آزربايجاندان دانيشماغي بيله امپرياليسمين خدمتينده اولماق بيليرديله‌ر. سه‌کسه‌نله‌رده و دوقسانلاردا دينچيله‌ر و سولچولار ميللت‌چيليگي ايسلاما قارشي و سوسياليزمه قارشي آمريکانين و انگليسين منطقه‌ني بولوب حاکم اولماق سياستي آدلانديراراق اه‌زديله‌ر و ايران حاکميتينين اه‌ياغينا آتديلار. چوخلارينين بئيين باباسي اولان, سوئيت‌له‌ر داغيلاندان سونرا و مستقيل آزربايجان دولتي ياراناندان سونرا ايران و فارس شونيسمينين يانيندا يئر آليب ياواش ياواش چاره‌ني حرکتين ايچينه گيريب ايراندان آيريلماسينين گئچيکديرمه‌يينده گوردوله‌ر. بونلار, ايل‌له‌ر بويو ملي حرکتين هارايا گئده‌جه‌ييني گوره‌نده, وحشته دوشوب اونجه اونون اونونده دوروب چيپلاق ايرانچيليغي مدافعه ائده‌ره‌ک, گونئي آزربايجان ملي حرکتيني دانديلار. سونرالار کي بويله بير ملي سئلين اونونده دوراماياجاقلاريني آنلاياندا, فدراليست‌ليک فيريتقاسيني اورتايا آتديلار. بوتون وارليغي دانيلان, گئچيمي, ديلي, کولتورو, توپراغي, و تاريخي تالانان بير ميللتين ايشقالچي ايران رژيمي ايله فدراليسم فانتازيسي, يالنيز و يالنيز بويله خسته بئيين‌له‌رده‌ن قالخار. گونئي آزربايجان تورکونون ميللي روحوندان اوزاق اولان, بو سوزده فدراليست‌له‌ر, سوزده دمکراتلار, نه دوغرودان فدراليست, و نه ده دوغرودان دمکرات‌ديرلار. دوغرودان فدراليست اولسايديلار گه‌له‌جه‌ک مستقل گونئي آزربايجانين قوزي آزربايجان‌لا, تورکيه‌ ايله, و يا تورکمنيستان‌لا فدراليسمده‌ن دانيشارديلار. سه‌کسه‌ن ايل‌ده‌ن چوخ, ايشقالدان, تجاوزده‌ن, تحقيرده‌ن, ساواشدان, زينداندان, و شکنجه‌ده‌ن, باشقا بير ايليشگيميز اولمايان سوزده ايران‌لان فدراليسم‌ده‌ن دانيشماق, دوغرودان دا بير تراژدي يوخ بلکه داها بير کمدي‌دير. لازيم اولاندا, اوزله‌ري ده دئديک‌له‌ري کيمين, تاکتيک اولاراق, اوزله‌ريني ايستيقلال‌دان يانا اولان گوسته‌ره‌ن بو باشي باغلي‌لار, اوتانماز اوتانماز, اسارتده و ايشقال آلتيندا اولان گونئي آزربايجان ملتينده‌ن, ايران جمهور باشقانليغي سئچيمينه قاتيلمالاريني ايسته‌ديله‌ر. اه‌لي آزربايجان ملتينين قانينا به‌له‌نميش موسوي کيمين بير تروريستين "دئيشديگينه" اينانيب و کروبي کيمين آزربايجان دوشمانينا راي وئرمه‌گه چاغيرديلار. سئچيمده‌ن سونرا دا تروريست حاکميتين و مخالفتين سوزله‌رينه اويوب "چوخلو آزربايجانلينين سئچيمه قاتيلديغيندان" خبر وئريله‌ر. آما گئنه ده خيابانداکي صحنه باشقا دورومدان خبر وئريردي. اونلار گونئي آزربايجانين حسابيني ايراندان آييرميش و سئچيم آلداتماجاسينا اينانماديقلاريني آچيقجا اورتايا قورموشدولار.

بو باشي بئيني ايرانا و ايرانچيليغاباغلي اولانلار, ميللي حرکتي دوغرو يولوندان جايديرماق اوچون هر تورلو فيريتقايا اه‌ل آتديلار. بيرگون بابک قالاسينين مراسيميني آزربايجان دوشمانلارينين قيزلارينين اولوم گونو نه‌ده‌نيله آخساتديلار. بير گون ميللي بايراق مسئله‌سيله اوزون اوزون دارتيشمالارا و آيريليقلارا يول آچديلار. بيرگون آزربايجان و تورکيه دولت‌چيليگينه قارشي يازيلار يازديلار. هه‌له‌ليک, اه‌ن سون اويون دا, بو ايران دولت‌چيليگينين اورتايا آتديغي سوزده مخالفت يعني ياشيل حرکت‌دير. بو باشلاري ايرانچيليغا باغلي اولانلار بير ايل بويو آزربايجان گئنج‌له‌ريني ايشقالچي و ايرانچي فاشيست قوروبلارين آرخاسينا دوشمه‌يه چاغيرديلار. هر تورلو دليل‌له‌ر و شعبده‌له‌ر گه‌تيرديله‌ر کي ميللتي ياشيللارين دوزاغينا سالسينلار و آزربايجان قورتولوشونو گئجيکديريب, ايران حاکميتينه زامان قازانديرسينلار. بو باشلاري بئيين‌له‌ري ايرانچيليغا باغلي اولانلار, بيانيه‌له‌ر يايديلار, و ايراندا آزادليقلار و ائشيتليک‌له‌ر, قادين حاقلاري, و خالا خاطيرين قالماسين دييه ده, ميللت‌له‌ره داها چوخ حاق وئريلمه‌سيني ده‌ وورقولاديلار. بير دانا دا تلويزيون طلبينين مقاميندا دا بولوندولار!!!. آمستردامداکي يازديقلارينين و امضالارينين ياشي قورومادان, ته‌رسينه, يئني بير بيانيه‌ده, بو يول دا ايرانچي اربابلارينين چالديغي سازدان چالديلار. شاهچيلارين و فارس شونيسمينين يونه‌تديگي ياشيل حرکتين باشلانقيجيندان ضد استبدادي حرکتين عمرونو ساييپ سه‌گيز آيا ائنديريب, گولونج حالا دوشدوله‌ر. مستقل گونئي آزربايجانا يوخ, ايرانا دمکراسي, قادين حاقلاري, و ائشيتليک‌له‌ر ايسته‌ديله‌ر. مستقل گونئي آزربايجاندا يوخ, ايراندا بير دانا تلويزيون ايسته‌ديله‌ر. ايندي, او باشي آلچاق ايرانچيليق اوغرونا يازيلان بيانيه‌نين يازانلاري و اونايلييانلاري, اوتانماز اوتانماز, گئنه ده, اوتوروب ايشقال آلتيندا جان وئره‌ن ميلله‌ته بيرليک‌ده‌ن و ميللي حاقلاردان دانيشاجاقلار و اوز خياللاريندا حرکته تعيين تکليف ائده‌جه‌ک‌له‌ر. باشلاري ايرانا باغلي اولانلارين و ايراندا و ايراندان آزربايجانلي حاققي گوده‌نله‌رين قوناقباجي اويونلاري بير يئره يول آلماياجاق. ايرانچيليق مرکزلي ياشيل فاشيزمه پارالئل اولاراق دا بو يئني قوناقباجينين گونونو خردادين یيرمي ايکي‌سي اعلان اولونموش کي ياشيل فاشيزمه بيرليک سيقنالي وئريلسين و آزربايجانين اولارين آرخاسينا دوشدوگونو گوسته‌رسين. تقيه‌نين, يالانچي‌ليغين, ايکيلي اويناماغين, آديني سياست قويانلار, به‌للي کي سياست‌ده‌ن آنلاميرلار. بويله دوشونه‌نله‌ره, آزربايجان دوشماني, خائن, وطن ساتان, دئييلمه‌سه, هانگي صفت‌له‌رله تانيتماق اولار؟ منه گوره, بو سوزله‌ر اهانت اولاراق يوخ, بلکه دوغرودان دا باشي ايرانچيلارا باغلي اولانلاري اه‌ن ياخچي آنلاتان سوزله‌ردير. اگر وطن سئوه‌رليک, آزربايجانين ايشقالدان قورتولماسي, و بوتونلوگو, و منفعتله‌ريني دوشونمه‌کدير, دئمه‌ک بو دوشونجه‌يه قارشي اولان اوزونو آزربايجانلي آدلانديرانلار دا وطن‌ساتاندير. اگر آمستردام‌دا آزربايجان منفعت‌له‌ري يونونده بيانات امضالايانلار, نئچه آي سونرا آزربايجانين دوشماني ايران منفعت‌له‌ري يونونده بيانات امضالارسا, بونون آدي خائن‌ليک دئيل نه‌دير؟ آزربايجان ايشقاليندان يوخ ايرانين دمکرات‌لاشماسيندان دانيشان, آزربايجان دوشمانيدير. دنيا سياست دوشونجه و حرکت‌له‌ر استانداردلارينا گوره ده, بونلار آزربايجان دوشماني, و حرکته خائن ساييلارلار. اينامايانلار ياشاديقلاري يئرله‌رين و بولگه‌‌له‌رين ميللت وکيل‌له‌رينه, گونئي آزربايجانين ايران آلتينداکي ايشقالدا ياشام دورمونو و گئچميش سه‌کسه‌ن ايلين ظلم‌له‌ريني آنلاتسينلار و سوروشدورسونلار. اوندا گورسونله‌ر کي ايشقال آلتيندا ياشايان مئنتاليتيسي اولمايان آداملار دورومو نئجه ده‌يه‌رله‌رديره‌رله‌ر. البته کي گونئي آزربايجان ميللي حرکتيني و گئنج‌له‌ري, ايران ايشقاليندان قورتولوش يولوندان جايديران هر کس و يا هر قوروب دوشماندير, و اورتايا آتديقلاري هر اويون دا آلداتماجادير و خائن‌جه‌سينه‌دير. ايندي, بيزيم بو ايرانچيلارا سووش اولاراق يوخ, اهانت اولاراق يوخ, بلکه اوزله‌رينين اه‌له وئرديک‌له‌ري سندله‌ر و گوردوکله‌ري عمل‌له‌ري گوزه آلاراق, دوغرودان دا وطن ساتان و خائن اولدوقلارينا اينانديغيميز اوچون دئديک. به‌لي, تورکجه دانيشيب, اوزونو آزربايجانلي آدلانديران, آما ايران منفعت‌له‌رينه چاليشان و ايراندا دمکراسي ايسته‌يه‌ن خائن‌دير. ايران قاپيلاريندا آزربايجانلينين حاقيني ديله‌نه‌ن خائن‌دير. قورتولوش يولوندا گووسونو سيپه‌ر ائله‌يه‌ن گونئي آزربايجان بوزقورد گئنجينه خور باخان و سوز دئيه‌ن خائن‌دير. وقت‌دير کي دوستو دوشماندان سئچه‌ليم. گونئي آزربايجان سعادتينه دوغرو يول قورتولوشدور, ايستيقلالدير, و هرکس قورتولوشدان و ايستيقلالدان دانيشمير ايرانچيليغين قوجاغيندا اوتورموش اويونجاقدير.

بو گون‌له‌ر, بو باشي باغلي‌لار, و اوز ادبياتلارينداکي کيمين "ايرانين سرسپرده‌"له‌ري اه‌ل اياغا دوشموش‌له‌ر کي گئنه ده سئچيم آلداتماجاسي بهانه‌سي ايله, آزربايجانليلاري دا, ياشيل ايرانچي فاشيسمين آرخاسينا سالسينلار. آما گونئي آزربايجان تورکو داها آييق‌دير, آيدين‌دير, و اوياق‌دير. او ستارخان کيمين دوشمانين اياغينا گئديپ اولدورولمه‌يه‌جه‌ک. او خياباني کيمين اولوسو خيابانلاردا سورولمه‌يه‌جه‌ک. او پيشه‌وري کيمين اويونلارا گه‌ليب آرزيلاري اوره‌گينده اولدورولمه‌يه‌جه‌ک. او يوزمينله‌رجه گئديب ايران عراق جبهه‌له‌رينده اولومه قوشماياجاق. اونون دشماني آمريکا اسرائيل انگليس و يا استکبار جهاني دئييل. اونون دوشماني هر ديل‌ده دانيشسا دا, هر کس اولسا دا, توپراغيني ايشقال ائده‌ن, و قاپيسيني قيريپ, ائوينده اوتوران, ايراندير, ايرانچي‌دير, فارس شوونيسمي‌دير. گونئي آزربايجان ميللتچيسي نه ايسلاما نه ده جمهوريته‌ قارشيدير او ايرانا و ايرانچيليق سيسته‌مينه قارشيدير. او ايران تورکو دئييل. او گونئي آزربايجان تورکودور. او بيرداها ايرانين و ايرانچيليق اوغرونا بير آدديم دا آتماياجاق. او ايران‌لان پارالئل دوشونمور. او ياشيل‌لارلا پارالئل دوشونمور. اونون حسابي آزربايجانين آند ايچميش دوشمانلاري ياشيللاردان آيريدير. گونئي آزربايجان حرکتي ايران آزربايجانينين حرکتي دئييل, ايران بوتونلوگونون عليهينه ساواشان گوجدور. او داخل‌ده و خارج‌ده ياشيل فاشيزمينين اويونونا گه‌لمه‌يه‌جه‌کدير. ياشيللار بونو ياخچي بيلسينله‌ر کي, آزربايجان خيابانلاري اولارين ايران ايشقالچيليک رقابتينه آچيق ده‌ييلدير. بيزيم خيابانلاردا بيزيم گئنج‌له‌ر بيزيم دردله‌ري شعار ايديب باغيرارلار. "هاراي هاراي من تورکه‌م”. "ياشاسين آزربايجان رد اولسون ايشقالچي ايران”. "تورک ديلينده مدرسه”. "آزربايجان بيزيمدير”. "آزربايجان دياريميز بوزقورددور افتخاريميز”. "تبريز باکي آنکارا بيز هارا فارسلار هارا.

ايکينجي قوروب, گوبه‌ک‌له‌رينده‌ن ايرانا, و ايرانچيليغا باغلي اولان آزربايجانليلاردير. بونلارين بير قسمي رسما گئچيم‌له‌ري ايرانا باغليدير. ايرانلا ايش باغلاري وار. ايران شرکت‌له‌ريله آليش وئريشله‌ري وار. ايران پاسپورت‌لاري وار. ايرانا گئديب گه‌ليرله‌ر. عائله‌له‌رينده باش وئره‌ن توي دوگون و عزالارا گئديرله‌ر. ايران اطلاعاتيلا, هر حالدا آز چوخ ايش بيرليکله‌ري اولوب. بونلارا ايرانين پارچالانماغيندان دانيشاندا, اونلارين وارليقلارينين اولومونده‌ن و يوخ اولماسيندان دانيشيرميش کمين اولور. اونلارا گوره, بيلديکله‌ري بيله‌لي, ايران وارميش, و اولاجاق, و پارچالانماز بير بوتوندور. اونلارين اه‌ن مرکزي شعارلاري "ما همه ايراني هستيم‌"دير. بونلارين قارينلارينين ايرانا باغلي اولدوقلاري کيمين اوره‌ک‌له‌رينده ده ايرانا باغ وار. بير ايتين بوينونداکي زنجيره و ياشاديغي ايت ائوينه و صاحيبينه نئجه تعصب‌لو سئوگيسي و باغليليغي اولدوغو کيمي, بونلار دا, ايرانا و بوتونلوگونه باغليليق گوسته‌ره‌رله‌ر. اونلارا گوره ايران‌سيز اولماز. ايران‌سيز بير دنيا اونلارا دوشونولمه‌زدير. اونا گوره ده ايرانين داغيلماسينين قارشيسيندا دورارلار. آما حرکتين سئلينين اونونده يا دوشمانا قاچاجاقلار يا دا گه‌ري اوتوردوقجا آزربايجانلي و آزربايجانچيلاشيب اوز منفعت‌له‌ريني آزربايجاندا آراياجاقلار و اوره‌ک باغلاريني دا دئيشديره‌جه‌ک‌له‌ر. البته کي مستقل گونئي آزربايجان‌دا اونلارين آراديقلاري منفعت‌له‌ر هر اولکه‌ده‌کي کيمين اولاجاق. اونا گوره ده بو گوبه‌ک‌ده‌ن ايرانا باغلي اولانلارا گه‌له‌جه‌يه باخماقلاريني و گه‌رچه‌کله‌ري گورمه‌کله‌ريني اونه‌ريريک. هر کس گه‌له‌جه‌ييني مستقل گونئي آزربايجان‌لان عيارلاسين کي قورتولوش سحرينده اوزو قارا قالماسين.

ئوچونجو قوروبون آديني, گونئي آزربايجان باخيش آچيسيني و ميللي منفعت‌له‌ريني بيلمه‌يه‌ن‌له‌ر, يا آز بيله‌‌ن‌له‌ر, جاهيل‌له‌ر, يا مانقوت‌لار دئيه‌ليم. بونلار, هر ميللت‌ده بولونان کيمين, و هر قونونو ياخچيجا قاپساييپ آنلاماسيندا بيراز ياواشديرلار. ايشقال آلتيندا ياشايان ميللت‌له‌رين اه‌ن راحات گورونوب تشخيص وئريله‌ن به‌ليرتي‌له‌رينده‌ن, ائله بو اوز احوالينا جاهيلليک, و بيلمه‌مه‌زليک‌دير. ايشقالچي ايران سيستئمينين ميلياردلارجا خرجله‌ديگي و اه‌مه‌ک قويدوغو, اوز احواليندان جاهيل بير مستعمره ايران آزري‌سي ياراتماقدير. بونلار, ياواش اولدوغوندان, و اينديکي بولگه‌سه‌ل, و گلوبال دورومدان بيلينجسيز اولدوغوندان, و بيلمه‌ده‌ن, و بيلمه‌يه‌ بيلمه‌يه‌, گونئي آزربايجان ميللي حرکيتينه قارشي اولوب, اه‌نگه‌ل يارادارلار. ميللي حرکتين سوره‌جينده, هر زامان آرخادا قالان بو طيف, هله ده, ايشقالچي فارس کيمين دوشونوب, دانيشيب, يازارلار. ميللي حرکتده‌ن دئيشيک بير زامان چه‌رچيوه‌سينده ياشاديقلاري اوچون ده, هر زامان اونه دوشه‌نين اياغيندان چه‌که‌رله‌ر. ميللي منفعت‌له‌ري هايقيرانلارا شخصي منفعت گوده‌ن دئييب قارالارلار. اونلارا گوره هيچ زامان هيچ بير شئيين وقتي دئييل. اولارين هيچ زامان حاضر اولماديقلاري اوچون ده, هله هيچ بير ايشين زاماني دئييلدير. ايل‌له‌ر بويو, اوزله‌ري بير ايش ياپمازلار آما بيري بير ايش ياپماغا قالخاندا دا, اونون اونونه گئچيب, او ايشين عيب‌له‌رينده‌ن دانيشيب, پولئمي يارادارلار. آز بيلديک‌له‌ري و يا بيلمه‌ديک‌له‌ري اوچون, اوزگووه‌نله‌ري اولماييب, بيربيرينين اياغيندان و ايش گوره‌نله‌رين ده اياغيندان ياپيشيب, ايشين نه قدر تهلوکه‌لي اولدغوندان دانيشارلار. ديشينه‌جه‌ن مسلح جنايتکار ايشقالچي تجاوزچو ايسلام حاکميتينين اونونده, مدني مبارزه‌يه چاغيرارلار. چونکو نه مدنيتين و نه ده مبارزه‌نين آنلامين بيلمه‌زله‌ر, يا آز بيله‌رله‌ر. بو قوروب بيزيم خيابانلاردا آخان قانلاري و زيندانلاردا چورويه‌ن جاوانلاريميزي و يوخ اولان قيز اوغلانلاريميزي گوره‌نده, حرکتين اوجوندا جان قوربانلارين شدت و خشونت‌جي اولدوغوندان بيليب, ميللي حرکتي سوچلارلار. اونلارا گوره, وحشي, جاني, اينسانليق ديشي ايسلام ايران حکومتي يوخ, بلکه گونئي آزربايجاني بوش اه‌ل‌له‌رله و يوموشاق شعارلارلا قورتولوشا گوتوره‌ن, آمما توتولان, شيکنجه اولان, اولدوروله‌ن, ده‌ربه‌ده‌ر اولان‌لار, شدت و خشونت قوللانيرلار. هر حالدا, جهالت دردينين داواسي بيلينجدير. بونلاري بيلينجله‌شديرمه‌ک هر ميللي حرکتچينين وظيفه‌سيدير. بونلاري فارس يولداشلاريندان اوزاقلاشديرماق, فارس خبر و بيلگي منبع‌له‌رينده‌ن اوزاقلاشديرماق بير ميللي وظيفه‌دير. بو قوروب, آنلاماقدا ياواشديرلار, آما ياواش ياواش دا اولسا, گئت گئده, اوزه‌لليکله ده اونده گئده‌نله‌ري, حرکته داها چوخ سئمپاتي دوياجاقلار, و ميللي قورتولوشا قاتيلاجاقلار. گه‌رييه قالانلاري دا فسيل‌له‌شيب اونودولاجاقلار.

سايقيلاريملا

اوغوز تورک

 

 

Share

Güney Azərbaycan İstiqlal Partiyası -حزب استقلال آذربایجان جنوبی- South Azerbaijani Independence Party (GAİP,گايپ SAİP, 2004© )

TPL_GK_LANG_MOBILE_TOP TPL_GK_LANG_MOBILE_SWITCH_DESKTOP