گايپ خبر: بو گون 10 خورداد (اييول 1)، گايپ اينيگيلتره تمثيلچيسي آراز يوردسئون آمنئستي اينتئرناتيونالين (اولوسلاراراسي افف تشکيلاتي) اورتا دوغو نوماينده سي دوروری دایک لا گونئي آذربايجاندا يئني توتقلانانلار حاقيندئ گؤرووشوب. 

گايپ خبر مرکزي نين موخبيري اينگيلتره دن بيلديرير کي، گونئي آذربايجان دا توتوقلامالارين آرتماسي و مسله نين اؤنملي اولماسيندان دولايي گؤروشون آجيل اولاراق کئچيريلمه سي ايسته نيليب. 

گؤروش زاماني، ايستگيميز قبول ائتديکلري اوچون تشکيلات سورمولوسنوا تشککور ائديليب، گونئي آذربايجاندا توتوقلانانلارين بيلگيلريندن (نزامان توتولوب هاردا ساخلانديقلاري، ايشکنجه يه معروض قالديقلاري) عيبارت اولان ليسته و  اعدام جزاسي اييله قارشي قارشي اويلان علوي سويداشيميز يونیس آقايان و داشقالاق ائديلمک ايستنن خانيم سکينه محمدي آشتيياني حاققيندا معلومات وئريليب و بو سويداشلارميزين آزادليغي و جزالاري نين قالديريلماسي اوچون آجيل بيانات وئريلمه سي طلبينده اولونولوب. 

گؤروشمه ده آيريجا، گونئي آذربايجان ميللي آزادليق حرکاتي نين گونو گوندن آرتيق گوجلنديگي و ايران ايشغالچي رئژيمي نين بو گوجلنمه دن گورخدوغو اوچون ميللي فعاللارا اولان باسقيلارين آرتماسي و توتوقلامالارين داها دا آرتا بيله جگي گايپ اينگيلتره تمثيلچيسي طرفيندن ورقولاندي. 

آمنئستي اينتئرناتيونال (اولوسلاراراسي عف تشکيلاتي) اورتا دوغو نوماينده سي سايين دوروری دایک دا، گايپ اينگيلتره طرفيندن وئريلن سؤزلو و يازيلي معلومات اوچون تشککور ائديب و مسئله نين آرخاسيني بوراخماياجقلاريني بيلديره رک، ياخين زامندا بياناتلا چيخيش ائديب بو حاقسيزليقلارا و جينايتکارليقلارا موناصيبت بيلديره جکلريني بيلديردي. سايين دوروری دایک همچنين توتوقلانالار حاقيندا يئني معلومات الده اولوندوغو زامان طرفلرينه چاتيريلماسيني و قارشيليقلي امکداشليغين دوام ائتمه سيني ده طلب ائتدي. 

گؤروشمه 2 ساعات سونرا باشا چاتيب.