|
17.08.10 14:02 |
 گایپ خبر : آ زربایجاندا رسمی زیارت ده اولان تورکییه رئسپوبلیکا باشچیسی عبدالله گول، آزربایجانین تورپاق بوتونلوگونون و ایشغال آلتینداکی آزربایجان تورپاقلارینین قورتاریلماسینین یالنیز باکینین مسئلهسی اولمادیغینی عینی زاماندا تورکییهنین ده مسئلهسی اولدوغونو سؤیلهدی.
گایپ خبر مرکزینین الده ائتدیگی معلوماتا گؤره، ایکی رئسپوبلیکا باشچیسینین باش-باشا گؤروشوده اولوب. گؤروشمهده داغلیق قاراباغ پروبلئمی باشدا اولماق اوزره رئگیونال پروبلئملر و ائنئرژی مؤوضولاری اله آلینیب.
گول و علیئوین باشچیلیغیندا تشکیل ائدیلن هئیتلر آراسی گؤروشمهلردن سونرا ایکی رئسپوبلیکا باشچیسی اورتاق بیر مطبوعات کونفرانسی تشکیل ائتدی.
گول داها سونرا آزربایجانداکی تماسلاری داخیلینده رئسپوبلیکا باشچیسی ایلهام علیئوین شرفینه وئردیگی آخشام یئمیینه قاتیلدی.
گولیستان سارایینداکی یئمکده دانیشان گول، آزربایجانین پروبلئمینین شوبههسیز تورکییهنین ده پروبلئمی اولدوغونو ایفاده ائتدی.
گول، بو گون باکیدا تورکییه اکینچیلیک بانکینین اورتاغی اولدوغو آزربایجان-تورک بانکین یئنی اومومی مودیرلیک بیناسینین و بعضی تسیسلرینین آچیلیشینا قاتیلدیقدان سونرا اؤلکهنین شیمالینداکی تاریخی اثرلرله زنگین شئکی شهرینه گئدهجک . |
|
|
|
Hava Vəziyəti
 |
| Təbriz
26°C |
|
| [Details] |
|
|
