|
فارس- ماللا رئژیمی حددینی آشیب
صادیق ایسابیلی: " خوجالی فاجیعه سیله باغلی تدبیرین کئچیریلمه سینه ایجازه وئریلمه مه سی نه موسلمان همرای لیگینه، نه ده دیپلوماتیک نورمالارا سیغیر " خوجالی فاجیعه سی نین ایلدؤنومونده ده فارس-ماللا رئژیمی آذربایجان تورکلرینه نیفرتینی گیزله ده بیلمه ییب. فئورالین 23-ده ساعات 14:00 راده لرینده باشدا آذربایجان جومهورييتی نین سفیری و سفیرلیگین دیگر امکداشلاری اولماقلا تهرانین نور مسجیدینده خوجالی سویقیریمی نین 16-جی ایلدؤنومو موناسیبتیله شهیدلریمیزین روحونا دوعا اوخونماسی اوچون 300 نفره یاخین سویداشیمیز مسجیدین حَیطینه توپلاشیبلار. توپلاشانلار آراسیندا گونئی آذربایجان فعاللاریندان بیر هؤجت الایسلام عظیمی قدیم ده اولوب. آما گؤزله نیلمه دن پلیس و امنیت قووه لری توپلاشانلارا هوجوم ائده رک اونلاری مسجیدین حَیطیندن اوزاقلاشدیرماغا چالیشیبلار. بونا اعتیراض ائدن آذربایجان جومهورييتی نین ایرانداکی فؤوق العاده و صلاحیتلی سفیری عباسعلی حسنوو تحقیرلره معروض قالیب، مولکی فورمادا اولان امنیت مأمورلاری اونا قارشی گوج تطبیق ائدیبلر. رامیز میکاییل اوغلو
زوراکیلیغا معروض قالان سفیر و سفیرلیک امکداشلاری گوجله حادیثه یئریندن اوزاقلاشدیریلیبلار. اولای زامانی ایرانین فارس- ماللا حاکیمیتی نین مأمورلاری آذربایجان جومهورييتی نین دا عونوانینا نالاییق ایفاده لر ایشلتمکدن چکینمه ییبلر.
رسمی باکی سوسماغا اوستونلوک وئریب
اولایدان سونرا سفیرله علاقه یه گیرن گونئی آذربایجان فعال لاری سفیرین هانسی آددیملار آتاجاغینی سوروشدوقدا، سفیر " گؤرورسونوز کی، میللی فاجیعه میزین آنیلماسینا ایمکان وئرمه دیلر، داها نئینه یه بیلریک؟ " دئیه جاواب وئریب. قئید ائدک کی، اولایلا باغلی همین گون " آزادلیق " رادیوسو و دیگر کیو-لر ده گئنیش معلومات یایمیشدیلار. دونن باش وئرنلرله باغلی هانسی آددیملارین آتیلماسی نین پلانلاشدیریلدیغینی اؤیرنمک مقصدییله خاریجی ایشلر ناظیرلیگی (خین) ایله علاقه ساخلادیق. آنجاق بئله معلوم اولدو کی، ناظیرلیک سفیرین هوجوم و تحقیره معروض قالماسی فاکتینی اؤرت-باسدیر ائتمه یه، اؤزونو خبرسیز کیمی آپارماغا اوستونلوک وئریب. خین مطبوعات خیدمتی نین رهبری خزر ابراهیم ین آچیقلاماسینی باشقا جور یوزماق مومکون دئییل: " بو باره ده ناظیرلییه سفیرلیکدن هر هانسی معلومات داخیل اولماییب " .
خوجالی سویقیریمی عرفه سینده ائرمنیلرله دوستلوغون نوماییشی
گونئی آذربایجان ایستیقلال پارتییاسی نین (گایپ) آراشدیرما و اینفورماسییا مرکزی نین رهبری صادیق ایسابیلی قزئتیمیزه آچیقلاماسیندا دئدی کی، باش وئرنلرین سببی نین آیدینلاشماسی اوچون ایران رئژیمی نین ائرمنیستانا، او جومله دن بو اؤلکه ده یاشایان ائرمنیلره موناسیبتینه دیقت یئتیریلمه لیدیر. اونون سؤزلرینه گؤره، 23 فئورالدا آذربایجانین ایرانداکی سفیرلیگی نین خوجالی سویقیریمی ایلا باغلی تدبیرین کئچیرمه سی اوچون بوتون قانونی پروسئدورلار نظره آلینیب. آما مراسیمه بیر نئچه ساعات قالمیش موختلیف بهانه لر اویدورولوب. گویا همین مسجیدی درمانلاییبلار، اونا گؤره ده هر هانسی مراسیم کئچیرمک مومکون دئییل. تدبیری پوزماق اوچون ده بو بهانه دن یارارلانیلیب. آما ائرمنیلرله موناسیبتده بئله " بهانه لر " آختارماق لازیم اولمور. مثلن، فئورالین 24-ده تهراندا " موقدس پئتروس " کیلسه سینده " سککیز ایللیک موحاریبه و ایران ائرمنیلری " آدلی کیتابین تقدیماتی کئچیریلیب. 10 فصیلدن عیبارت کیتابدا گویا مشروطه دؤوروندن ایسلام اینقیلابینا قدر ایراندا یاشایان ائرمنیلرین اؤلکه نین قورونماسی، دؤولت کیمی مؤحکملنمه سی ساهه سینده رولوندان دانیشیلیر. مراسیمده هم ائرمنیستانین رسمی شخصلری، هم ده ایرانداکی ائرمنی کیلسه سی نین-خلیفگری شواسی نین رهبری خانیم آواناسیان اولوب. سؤزسوز شرایط یارادیلاجاق کی، کیتاب چوخ تیراژلی نشر اولونسون و ساتیش منطقه لرینه، کیتابخانالارا وئریلسین.
فارس-ائرمنی سییاستی نین مقصدی
صادیق ایسابیلی وورغولادی کی، هر ایل 24 آپرئلده " قوندارما سویقیریم " لا باغلی اصفهاندا، تهراندا موختلیف تدبیرلر کئچیریلیر. اؤلکه نین هاراسیندا 5-3 نفر ائرمنی یاشاییرسا، اونلارا تدبیر کئچیرمه لری اوچون هر جور شرایط یارادیلیر. ائرمنیلره اینترنت سایتلاریندا راحات شکیلده آنتی-تورک تبلیغاتی آپارمالارینا دا دستک وئریلیر. آنجاق بونون موقابیلینده گونئی آذربایجان میللی فعال لاری دفعه لرله ایرانین رسمی اورقانلاریندان رسمی شکیلده خواهیش ائتسه لر ده، 26 فئورال خوجالی سویقیریمی، 31 مارت آذربایجانلیلارین سویقیریمی گونو ایله باغلی موختلیف تدبیرلرین کئچیریلمه سینه، دینج آکسییالارین، سرگیلرین تشکیلینه ایجازه وئریلمه ییب. بو دا اونو گؤستریر کی، فارس-شووینیست رئژیمی ماللا کیملیگی آدی آلتیندا آذربایجان تورکونه، تورک دونیاسینا ائرمنیلرین ایسته دیگی دوشمنچیلیک سییاستییله یاناشیرلار. ایران آدلانان بو اؤلکه نین آیاق اوسته قالماسیندا، سیاسی-ایقتیصادی جریانلارین اینکیشافیندا آذربایجانلیلارین رولو تاریخ بویو دانیلماز اولوب. آنجاق اؤلکه ده همیشه آنتی-تورک سییاستی آپاریلیب. عومومیتله، ایران-ائرمنیستان موناسیبتلری اونا یؤنه لیب کی، بیرگه سیاست آپارماقلا جنوبی آذربایجاندا یاشایان سویداشلاریمیزین مؤوقئلرینی ضعیف لتسینلر. عئینی زاماندا آذربایجان دؤولتی نین ده اینکیشافی نین قارشیسینی آلسینلار. فارس-شووینست رئژیمی محض بو مقصدله ائرمنیلردن ایستیفاده ائدیر.
گونئی آذربایجاندا یئنی ایشغالچیلیق سیاستی
گایپ رسمیسی حساب ائدیر کی، ایرانین ائرمنیستانلا موناسیبتلری گئنیشلندیرمه سی نین قارشیسینی آلماق لازیمدیر: " اگر فارس-ماللا رئژیمی کونستیتوسییاسیندا قئید ائدیرسه کی، موسلمان دونیاسی نین حیمایه چیلریدیر، نئجه اولور آذربایجان تورکو سویقیریما معروض قالیر، اراضیلری ایشغال اولونور، آما ایران هئچ بیر رئاکسییا گؤسترمیر؟ اوسته لیک، شرايط یارادیرلار کی، ائرمنی شیرکتلری گونئی آذربایجاندا موختلیف لاییحه لر حیاتا کئچیرسینلر. ندن آذربایجانین خاریجی اؤلکه لرده اینوئستیسییا قویاجاق گوجو اولا-اولا بو تکلیفلر آذربایجان شیرکتلرینه ائدیلمیر؟ اصلینده بو، یئنی ایشغالچیلیق سیاستیدیر و ائرمنیلر همین سیاستی آپارماق ایسته ییر، ایران دا بوندا ماراقلیدیر. چونکی گونئی آذربایجاندا میللی حرکات گوجلنمه مه سی اوچون ایران ائرمنیلری نین همین اراضیلرده ایقتیصادی لاییحه لر حیاتا کئچیرمه لرینه شرايط یارادیر. بیزیم سویداشلاریمیز همین شیرکتلرده ایشله مکله ائرمنیلردن آسیلی وضعیتده قالسینلار و میللی مثله ده یومشاق داورانیلسین. هر هانسی مثله ده اولارسا، خاریجده کی ائرمنی لوببیسیندن ایستیفاده ائتسینلر، دئسینلر کی، گونئی آذربایجاندا آذربایجانلیلارین ائرمنیلره قارشی چوخ پیس موناسیبتی وار " .
دینه، اینسانلیغا، اخلاقا سیغمایان داورانیش
صادیق ایسابیلی ایراندا خوجالی سویقیریمی ایله باغلی تدبیرین کئچیریلمه سینه ایجازه وئریلمه مه سینی و سفیریمیزین تحقیره معروض قالماسینی ائشیدنده ده چوخ تأسوفله نیب: " خوجالی فاجیعه سی دونیا اوچون بیر سویقیریم نومونه سیدیر، بونونلا باغلی تدبیرین کئچیریلمه سینه ایجازه وئریلمه مه سی نه موسلمان همرای لیگینه، نه ده دیپلوماتیک نورمالارا سیغیر " . گایپ آراشدیرما و اینفورماسییا مرکزی نین رهبری اونو دا خاطیرلاتدی کی، ایران آذربایجاندا زامان-زامان ایسته دیگی یئرلرده موختلیف مضمونلو تدبیرلرینی چوخ راحات شکیلده کئچیریب: " آنجاق گؤرون بونلار نه قدر مانقورددورلار کی، میلتیمیزین فاجیعه سینی اؤز سویداشلاریمیز ایچریسینده تبلیغ ائتمگیمیزه ایمکان وئرمیرلر " . صادیق ایسابیلی رسمی باکی نین خوجالی سویقیریمییلا باغلی مسجیدده کئچیریلمه سی پلانلاشدیریلان آکسییانی پوزولماسینا، سفیره قارشی داورانیشا گؤره تهرانا سرت رئاکسییاسینی بیلدیرمه سینی ده ضروری سایری: " سوسماق دوزگون دئییل. آذربایجان منطقه نين گوجلو دؤولتیدیر و فارس-ماللا رئژیمینه اعتیراض ائتمک قودرتینده دیر " .
آمریكا محکمه سی ایرانی 33 میلیون دولار جریمه لییب
فئورالین 25-ده آبش فئدئرال محکمه سی ایران دؤولتینی 1992-جی ایلده اسرایلین آرژانتين ده كی سفیرلیگینده باش وئرمیش پارتلاییشدا گوناهکار سایاراق حادیثه ده هلاک اولموش آبش وطنداشی نین عاییله سینه 33 میلیون دولار جریمه اؤدمه لی اولدوغو باره ده قرار چیخاریب. «مئدیا فوروم» سایتی نین معلوماتینا گؤره، قراردا ایرانین آبش-دا دوغولموش و ایسرایله موهاجیرت ائتمیش دئوید بئن رافائلین دول قالمیش حیات یولداشینا، اوشاقلارینا و آتاسینا اونلارا وئردیگی عذاب و اذیته گؤره 33 میلیون دولار اؤدمه لی اولدوغو وورغولانیر. قرارا گؤره، دئوید بئن رافائلین عاییله سی 33 میلیون دولاری ایرانین قرب اؤلکه لری نین بانکلاریندا دوندورولموش حسابلاریندان الده ائده بیلر. 1992-جی ایلده ایسرایلین آرژانتين داکی سفیرلیگینده باش وئرمیش پارتلاییشدا 29 نفر هلاک اولموشدو.
مئدیا فوروم
آمریكا ایرانین مرکزی بانکینا سانکسیا ( تحريم ) قویا بیلر
آمریکانین مشهور نشرلریندن «WallStreet » قزئتی دوننکی ساییندا آمريكا حوکومتی نین ایرانین اساس مالییه قورومو اولان مرکزی بانکا سانکسیالار تطبیق ائده جگینه ایشاره ووروب. «مئدیا فوروم» سایتی نین معلوماتینا گؤره، قزئت آبش خزینه دارلیق ناظیرلیگینه ایستینادلا حؤکومتین ایران مرکزی بانکی نین سانکسیالارا معروض قالمیش قوروملارا یاردیم ائتمه سی باره ده دلیل و ثوبوتلارا مالیک اولدوغونو یازیب. « WallStreet» آدلارینی چکمه دیگی اوچ اؤلکه نین مالیه- تهلوکه سیزلیک رسمیلرینه ایستینادلا قئید ائدیب کی، مرکزی بانک حاضیردا آبش حؤکومتی نین قارا سیاهیسینا داخیل اولدوغو اوچون دلار عملیاتلاری آپارا بیلمه یه ن دیگر بانکلارا مادی یاردیم گؤستریر. قزئت وورغولاییر کی، آبش حؤکومتی ایران مرکزی بانکینا سانکسیا قویسا، ایرانین آوروپا و آسيا اؤلکه لری ایله تیجارت علاقه لرینه چوخ جیدی ضیان دیه جک. یازیدا آبش رسمیلری نین ایران مرکزی بانکینا سانکسیالار قویماق اوچون موتتفیقلرله موزاکیره لر آپارماسی خبری ده یئر آلیب.
«مئدیا فوروم»
|
