|
قاراباغ
بو نه
دووراندی فلک؟
آیریلیق تحمیل اولوب تورک اولوسا
آلیشیب اوددا یانیر توپراقیمیز
خوجالی، زنگه زورو
قاراباغ لا، شوشانی
گؤزله ییر بایراقیمیز
دیلداشیم بیر جه اویان
گل اونودما قاراباغ فاجعه سین
خوجالی سوی قیریمین، حادثه سین
سورگون اینسانلارا، مظلوملارا، قاچقین لارا باخ
بو نه دووراندی فلک؟
آییریبلار آنالاردان بالانی
بالالاردان آنانی
سود امه ر قونچالاری قونداقدان
آتانی عایله سیندن
باجی نی قارداشدان
خوجالی فاجعه سینده دوشمن
بارماقی الدن آییردی الی قولدان
قولو پیکرده ن آییردی
گؤزو قاشدان
قولاغی باشدان آییردی
بو جنایت تؤره دن داشناک اؤزو
بیر بؤیوک فاجعه نین، وحشی لیکین
خبرین فخر ایله
سوسموش عالمده یاییردی
آذربایجانی اؤز یوردو ساییردی
سوی قیریم تهلوکه سین
ائرمنی قوومونا چوخ قوتلو سانیردی
داها بیلمیردی کی یاندیردیغی اود دا باش باش
وارلیغی، کؤکسوز اولان ائرمنی نین تاریخی بیر آن دا یانیردی
گؤره سن فاجعه نین عومقونو بیر کیمسه قانیردی؟!
یا کی دونیادا اولان مدّعی لر
مظلومو- ظالیمی هئچ بیرجه تانیردی؟!
یا سیاست بازاریندا بیزی بیگانه سانیردی؟!
چوخ اوجوز قیمته اؤز قارداشینی
آج قودوزلارا ساتیردی
او آلیردی بو ساتیردی
او ساتیردی بو آلیردی
اولمامیشدی هه له بازار جهاندا بو تجارت
ال بیر اولموشدو قساوت له خباثت
دیلداشیم ! بیرجه اویان
توپراقیم ! سنده دایان
تاریخیم ! یاتما اویان
کیم دئییب دیر سوساسان؟
دالدالاردان باخاسان؟
قورخا قورخا پوساسان؟
بو نه دووراندی فلک؟
قانلی دؤشده ن سود امیردی سود امه ر خیردا اوشاق
گؤزو آغلار بدنین ده یئکه داغلار
تاریخیم سوسما جاواب وئر! اوشاقین
کیم سیله ر گؤز یاشینی؟
یاراسین کیم باغلار؟
قارداشی یا آتاسی
باجی سی یا آناسی
آلتی آیلیق اوشاقی
دونداران داشناک لار
یا خبیث هونچاق لار
یاندیریب لار اوبانی
اؤلدوروب لر آنانی
بوداییب لار آتانی
دوغراییب لار اوشاقین قارداشینی
سینه سی اوسته قویوب لار باشینی
آخدی پاک قانلاری سئل تک گور آخان خان آرازا
باجی تاپشیردی امانت، اؤزونو قان آرازا
عیصمت ایله، شرفین گوهری نی
ناموسون اینجی سینی
وئردی اود یوردونا شان- شووکت اولان جان آرازا
تاریخیم سوسماگینان
یازگینان دردلری قوی دونیا بیله
تا وطنداش یا کی دیلداش گله گؤز یاشیمی عشق ایله سیله
گؤره لر گؤز یاشیمی
گله جک ده دؤنه جک سهم لی، توفانلی سئله
داملاسی چئوریله جک دالغالی، بورغانلی گؤله
دونداریلمیش، سود اَمه ر خیردا اوشاق
دؤنه جک قوووه لی، شووکت لی ائله
آی وطنداش ! گل اویان
دیلداشیم ! مئیدان آچیب بیرده دایان
تورک اولوس ! قالخ آیاغا
قاراباغ توپراقی نین آلماقینی تاریخه یاز
قاراباغ اؤلکه سینین باشا باش یوردوموزون
اولاجاقدیر قیشی «یاز»
گله جک آیدین دیر
قایناق: سولدوز خبر
|