|
گونئی آذربایجان ایستیقلال پارتییاسینین
بیانییـــــــــــــه سی
آ ب ش کونگرئسی کومیته سی نین تاریخی حاقیقتلری و رئال فاکتلاری نظره آلمادان قوندارنا ائرمنی سویقیریمی ایدیعالاری ایله باغلی قرارا سس وئرمه سی تکجه تورکییه دؤولتی و میلتینه قارشی یؤنلمیش بیر قرار دئییل. بو قرار هم ده دونیا تورکلرینه عونوانلانمیش عدالتسیز بیر قراردیر. آبش دؤولتی نین اؤز میللی ماراقلارینی قوندارما ائرمنی سویقیریمی کیمی یالانچی ایدیعالار اوزرینده قورماسی اصلینده آمئریکا دؤولتی و میلتی نین ماراقلارینی تهلوکه آلتینا سالماسی دئمکدیر. آمئریکا کونگرئسمنلری نین بو مؤوقئدن چیخیش ائتمه سی آمئریکانین بؤلگه ده آپاریلان دئموکراتیک لشمه پروسئسینی ، رئگیونال تهلوکه سیزلیگی، تورک دؤولتلری ایله آپاردیغی ایقتیصادی - سیاسی موناسیبتلری ضربه آلتینا قویموش اولور. بئله بیر یانلیش مؤوقئ XX عصرین اوللریندن باشلایاراق، آذربایجانین موختلیف اراضیلرینده آذربایجان تورکلری و دیگر میلتلره قارشی سویقیریم سییاستی آپاران، آذربایجان رئسپوبلیکاسی نین 20% اراضیسینی ایشقال ائده رک یاخین تاریخده حیاتا کئچیردیگی دهشتلی خوجالی سویقیریمینی تؤره دن، بؤلگه ده تئررورو دستکله ین ایران فارس رئژیمی ایله البیر اولان ائرمنی-فاشیست رئژیمینه مئیدان آچمیش اولور. آمئریکا کونگرئسمنلری نین آمئریکا دؤولت سییاستینی بو جور تهلوکه لی اویونلار اوزرینده قورمالاری دئموکراتیک ده یه ر لری شوبهه آلتینا سالماقلا آمئریکانین بو بؤلگه ده ماراقلارینی ایفلاسا یؤنلتمیش اولور. گونئی آذربایجان ایستیقلال پارتییاسی آبش کونگرئسی کومیته سی طرفیندن چیخاریلمیش بو یانلیش قراری پیسلیه رک، قرارین کونگرئسین نوماینده لر پالاتاسی نین عومومی ایجلاسیندا دستکلنمیه جگینه اومید ائدیر. گایپ بوتون آمئریکا رسمیلرینه، خوصوصیله ده آمئریکا پرئزیدئنتی جناب جورج بوشا موراجیعت ائده رک، اونلاری دونیادا دئموکراتیک ده یرله رین بئشیگی ساییلان آمئریکا دؤولتینی بو کیمی سیاسی اویونلارین گیردابینا سالماماغا چاغیریر. گایپ بوتون تورک دونیاسینی بئله بیر عدالتسیز قرارا بیگانه قالماماغا و همرای لیک نوماییش ائتدیرمه یه سسله ییر.
گونئی آذربایجان ایستیقلال پارتییاسی
11.10.2007
|
