میللی فعال حسن بی اسدی نین ائوی مهرین بیریندن ایطیلاعات قووه لری نین موحاصیره سینده دیر. خوی اصیللی حسن بی اسدی نین باش کنت تبریزده یاشادیغ ائوه گیرمک ایسته ین ایطیلاعات مأمورلاریندان حسن اسدی نین خانیمی ائو آراشدیرماسی اوچون محکمه حوکمونو ایسته ییب. ایطیلاعاتین محکمه دن کاغیزلاری اولمادیغی اوچون مأمورلاری ایچرییه یول وئرمه ییب. آنجاق مأمورلار زورلا ائوه گیریرب و ائوی آختاریبلار. حسن اسدی ائوده اولمادیغی اوچون اونون آییله سینی دویوب و تحقیر ائدیبلر کی حسنین یئرینی دئسینلر.  

  آییله نین حسن بی دن خبرلری اولمادیغی اوچون بویوک احتیمالدا   ایطیلاعات دونن گئجه حسن بیی اوغورلاییبدیر.  

  علاوه  ائدک کی حسن اسدی ایسفند آییندا اردبیلده یاخلاندیقدا آغیر ایشکنجه لر او جومله دن ایلیکتیریک شوک وئریلمیشدیر کی ایکی گون دیلی توتلموشدور. اونون گؤزلرین باغلیگیب و اعدام مئیدانینا اعدام ائتمه یه آپاریریرق دییه دفعه لرله روحی ایشیکنجه لر وئریبلر. او زینداندا اولدوغو سوره ده آییله سیده ایطیلاعاتین جیدی تزیگینه معروض قالمیشدیر کی هر هانسی بیر خبر یاییلماسین. حسن بی ده باشقا محبوسلار کیمی زورلا آییله سینه مندن نیگران قالمایین دئدیتدیرمک ایسته ییردیلر تا کی آییله سی هئچ بیر شیکایت و یا اعتیراض ائتمه سین. حسن بی اسدی تبریز نوماینده سی اعلمی نین وساطت ایله 70 میلیون تومن وثیقه  ایله محکمه سینه قدر موقتی آزادلیغا بوراخیلمیشدیر. اونون ایش یئری تاختالانیب و مال لا دولو اولان تیجارت آنباری ایسه ایطیلاعات طرفیندن موصادیره اولوبدور.